محمد عثمان – صحفي (كاتب سابق في سودان تريبيون)
أنا كنت في أمدرمان لمن قوات (حركة العدل والمساواة دخلتها سنة ٢٠٠٨. سلوك جنودهم الشفته لمدة يوم كامل كان منضبط وخالي تماما من التجاوزات. اتذكر واحد فيهم جا ماشي بي سلاحه في حالة اعياء قدام دكان انا كنت واقف فيهو بشتري حاجات. طلب مني بكل تهذيب اني اشتري ليهو موية و اشتريتها ليهو.
مع انه لو كان رفع سلاحه ساي في وشي انا و سيد الدكان كان ممكن ينهب مننا اي حاجة. لا شفت جنود منهم اقتحمو بيوت لا نهبو.
الخلاصة انو سلوك قوات الدعم في الخرطوم ده شاذ و غير مبرر تماما، سلوك انتقامي ليس الا.
ما سلوك عساكر بحاربو عشان قضية سياسية عادلة. سلوك انقلابيين.